Kwentong Third Wheeling

Sa panahon ngayon, madami na akong kilala na single, sa napaka diverse na mga kadahilanan. Huwag na natin isipin ang edad ko, isipin na lang natin ang kapakanan ng mga kapatid natin sa kapanalig na mga wala pang nagiging romantic role sa buhay lately, kung hindi, mag 3^rd (o kahit anong odd number gusto mo gamitin) wheel sa mga makekesong magshoshotabels sa ibabaw ng ating planeta. Ito ang mga kwetong third wheeling at iba pang kahindik hindik na katotohanan.

Sa mundo ng masalimuot na facebook, sa mundo ng puro hugot na twitter at tumblr, sa mundo ng puro goals (squad goals, selfie goals, at lalung lalo na ang relationship goals), alam na nating lahat na marami sa ating mga kaibigan ang nagmamapait at nagbbroadcast na walang forever. Ngunit, marapat natin silang intindihin, dahil dalawa lang ang ibig sabihin nito; nasaktan sila (broad na to masyado, dahil baka iniwan sila, o nang iwan sila, ikaw na bahala magisip kung san sila dyan), o di kaya single sila (hindi pa nila nararanasan ang bliss feeling ng salitang forever). Sino ba naman kasi ang may ayaw ng forever diba?

Pero hindi naman ako maglilitanya kung bakit madaming nagpupumilit na walang forever, kasi natapos ko nang isulat yun. Ang gusto ko lang talaga sabihin dito, dahil madami tayong friends na single, syempre hindi maiiwasan na sa isang barkada, pag maglalakwacha, laging odd man out- -  laging may odd-number wheel (3^rd wheel, 5^th wheel, etc). Kung hindi mo pa nararanasan ang wheeling activity, bibigyan kita ng tutorial dito. Maliban sa na memorize ko na ata ‘to, alam ko ang hinagpis na kaakibat neto. Joke lang, di naman malungkot mag 3^rd wheeling, nakakatuwa sya actually, kasi nakakasaksi ng mga kasweetan nilang pwede mong hiramin. WTF? Oo, hihiramin mo, since friends mo naman sila bago pa man sila nagkaron ng lablayp.

Eksena #1.

Lalabas kami,catch-up ganon. Sa barkada namin, mga 7 ata kami average na lumalabas occasionally. Usually, ako yung nakaupo sa dulo ng table(o kaya yung isa kong friend na kapareho ko din ng kapalaran, makakarelate ka ditooooo.hahaha), dahil nga single ako ng ilang taon na. Dadating ang food. Alam mo na ang eksena bes! Magsasandukan sila ng kanin, magsasalukan sila ng sabaw ng sinigang na kasing asim ng pagmumuka ko pag ginagawa nila to. Madami silang couples eh. O kaya magsusubuan pa sila sa harap mo. Syempre, bilang pagrerebelde, sasabihin ko..

‘ganon na ngayon? Wala ba kayong mga kamay at kelangan nyo pa silang sandukan? Ako din gusto ko ng kanin!’

Ang mangyayare, ang mga friends ko ang gagawa ng mga to para sakin. Perks. At kadalasan nilang litanya sakin. Mag boypren ka na kasi. Bakit kasi ayaw mo pang mag boypren, para meron mag aalaga sayo.

Aba, kaya ko naman alagaan sarili ko ah? Bakit kelangan ko ng shotabels? (Pero sige, wag tayo magpapaka hypocrite, masayang me sasandok para sayo..bilang tamad ako.)

Eksena #2. Out of town.

Syempre madaming bag na dala. Ang mangyayare, paghahatian nila bitbitin yung mga bag ko. See my point? Bakit kelangan ko pa mag boypren kung kaya naman gawin ng mga friends ko at mga ka jowaan nila ang mga ito? Pero syempre, hindi naman nila ako tatabihan sa tent diba? Di naman nila ako aabutan ng panty sa cr pag nakalimutan kong kunin sa bag ko, o kaya di ko naman sila pwedeng lambingin sa gabing nag sstargazing kami. Ayun ang mga downside, na di ko din naman masyadong pnproblema atm.

Eksena #3.

Uwian na from pasyal etc, ang mahiwagang tanong..

“Paano ka uuwi?”

Lilipad!

Charot! Ibig lang nila sabihin, kanino ako sasabay, or kung mag isa ba akong uuwi, or magiging bula ka na lang at mag teleport pauwi. :p

Pagkatapos natin ihayag ang realidad ng pagiging certified 3^rd wheeler! Dito na papasok yung Art!

Una, nagiging magaling kang photographer! Syempre, mabuti kang kaibigan. Marapat mong macapture yung mga candid moments nila na IG-able at pwedeng caption-an ng #relationshipgoals. Bilang ako ay hindi mabuti kaibigan, ang gusto kong knkunan ay mga stolen shots na maaring magamit na pang blackmail, kapag dumating ang pagkakataon na nagmamaasim ang tadhana!

Ikalawa, since kaibigan mo silang pareho na mag jowa, pag nagkatampuhan sila, maaring isa or pareho silang magvverbalize ng tampuhan nila sayo. Bilang mabuting kaibigan, wala kang kakampihan sa kanila. Magiging objective ka dapat sa mga sasabihin mo. Dahil hindi ako mabuting kaibigan, nakikinig lang ako, walang advice. Mahirap na mabinggo sa mga sasabihin. Lab ko sila pareho! Hahaha..Kunyare pipi na lang ako. Eventually magbabati din naman sila. Kaya di ko sila masyado pinapansin. Leche.

Ngunit, pag humantong sa break-up. Eto ang mahirap. Paano a mag rereact? Kasi for sure, ang isa sa kanila lalayo sa grupo nya. Hindi magpaparamdam. Rreach out ka ba sa isang kaibigan? O aaluhin mon a lang yung isa? Walang art dito! Mahirap to sagutan!

May perks din naman mag 3^rd wheel! Pag sinama ka nila, minsan ililibre ka nila..o kaya ibbabysit ka nila, ppikchuran ka nila..ng mag isa ka! dahil nga walang nagmamahal sayo! Sweeeeet diba? Dalawa agad yung source of love and attention! Isa pa, kapag nagka problema ka, tas kasama mo sila..dalawang perspective agad makukuha mo..applicable lang to sa lalaket babaeng mag jowa, pag same sex..well magkaiba din naman.

Hindi naman malungkot maging odd man out..Madalas nag eenjoy ako na makasama mga couple friends ko..Natutuwa ako pag nakikita ko silang sweet sa isa’t isa. Naliligayahan ako pag nakikita ko yung posts nila sa isa’t isa sa kung saang social networking sites. Pag wala ang isa sa kanila, I mean, pag lumabas kami, tas yung isang friend ko eh sumama ng hindi binibit ang jowabels, hahanapin ko agad. Isa pa itong art ng 3^rd wheeling..naappreciate moa ng salitang love kahit hindi ikaw mismo ang nakaka experience.

Wnwish ko na lahat ng couple friends ko ay magkatuluyan, maka attend ng kasal nila..at wala..dun nagtatapos yon. Ayoko na maging ninang..magastos, madami sila! Lugi ako.

.

.

.

Pero syempre joke lang yun..kahit pa maging 679 inaanak ko, ok lang sakin! Blessings yang mga little earthlings na yan!

May naalala ako bigla..isang disadvantage pag matagal na nasanay friends mong single ka, pag nagkaron ka ng someone na hindi mo pa naman jowa eh, for sure iistalk na nila, magbibigay g opinion at di mo namamalayan..makikita mo na lang ang friends mo sa lugar na pinag “papasyalan” nyo nugn someone mo, at aasarin ka nila ng walang sisidlan. Bilang isang napaka private na nilalang, di ko kaya to.hahahaha.

Pero syempre maappreciate mon a lang sila..dahil pag dumating yung panahon na andyan na si soulmate, para kang me Mariachi band na susuporta sa papausbong at nagmamaganda mong lablayp.