Di ko alam pano to simulan pero sige, ganito na lang. Imagine: Nasa jeep ka, sa pagkakaupo mo, iba iba ang iyong makakasama…at hinding hindi mawawala ang mga mag-ddyowa. Kasama na yan sa pagsakay ng jeep. Pag dumadating ang hapon o malapit na mag-gabi, ang isa sa kanila ay aantukin. Pero kadalasan, ang aantukin ay ang babae. Sa gitna ng byahe nila, sasandal ag babae sa balikat ng kanyang labidabs. Ilang minuto, medyo mag-iislayd ang ulo nya. Syempre! Sasaluhin ng kanyang minamahal at aayusin sa pagkakasandal. Ang tanong: tulog nga ba ang babae? Inaantok pwede, pero tulog? Hindi ata? Sa buhay pag-ibig, aminin man natin sa hindi, gusto ng bawat mag ddyowa na lagi silang magkadikit. Wala akong ibang ibig sabihin dito, lalong lalo na tanggalin sa isip ang kaberdehan. Ang pagsandal sa balikat ng iyong minamahal sa pampublikong sasakyanay, para sa iba ay nakakairita, sa mga kapwa in love understandable, sa iba naman e normal na sa mga kabataan yan ngayon, ang sa iba e naiinggit pa. Depende na sa tao kung ano ang tingin nya dito. Sa tingin ko, dalawa lang ang dahilan ng sobrang pagka antok ng kababaihan pag sila ay nakasakay sa jeep o sa kahit anong sasakyan; dahil inaantok sila, gusto lang nila sumandal at dumikit, gusto nila mag imagine (hhhmmmm…) o dahil wala lang gusto lang nya mang-inggit ng mga single.
Sa usaping jeep, may isa pang observation ang isa nating kaibigan. Sa bawat pagsakay daw nya ng jeep e hindi mawawala ang babaeng akala mo sya ang may-ari ng jeep o di kaya e dalawa ang seats na kanyang binayaran. Kung makaupo e akala mo sinlaki ng QC circle ang pwet nya. Bakit may ganitong tao? Unang una, ang mga babae ay may mga style ng pag upo. Meron upon a pa-demure, upong siga, upong walang pake sa mundo kahit nakabukaka at mga upong mayabang. Iba-iab ang ugali ng tao, kung feeling nya e karapatan nya na makaupo ng ganun e wala tayong magagawa, naninirahan tayo sa bansang demokratiko. Maari mo syang sawayin dahil may pinaniniwalaan ka din na P8 ang iyong binayaran kaya dapat ay makaupo ka din ng matiwasay. Ang isip ng isang tao, lalo na ang mga babaeng ganito ay spoiled brat siguro, na kahit sa pampublikong sasakyan e gusto ipahiwatig sa iba na anak sya ni kagawad at walang paki ang iba kung ganun ang upo nya. O di kaya… nagpapa-pansin lang?
Pag usapan naman natin ang pagligo, pagbibihis, pag aayos ng mga kababaiha, para medyo cute na at magaan ang pag uusap. Sa pagligo, may mga kilala din akong kalalakihan na matagal maligo pero ordinaryo na itong napapansin sa mga babae. Bakit nga ba matagal maligo ang babae, e di hamak na mas maliit ang skin and body surface nila kesa mga lalake. Mapapansin na sa telebisyon, radio at sa lahat ng nasasakupan ng media ay puro ads ng mga produktong pampaputi ng tuhod, siko, kilikili, pampadulas ng buhok, pampa bango at kung ano ano pa. Karamihan dito, ang kanilang target population ay babae. Kasi, may innate kaartehan ang babae, lalo na sa katawan. Nagtataka din ang ilang mga lalake kung bakit laging mabango ang babae. Dahil siguro sa pinahid nyang coconut oil. Iba iba ang sikreto dyan.:) Sa pag aayos, ganun din, ang mga babae ay gusto lagi silang maganda, kaya may tinatawag na make-up para gumanda o ma enhance pa ang kagandahan. Simple. Sa pagbibihis, papasok dito ang pag dedesisyon kung bagay bas a kanila, maganda ba ang kulay ng damit sa skin nila, kung tama ba para sa okasyon, kung magugustuhan ng ka date nya, kung mag sstand out ba sya sa crowd, o depende sa mood nila. Alam ng marami na pabago bago ang isip ng babae na sa panahon ngayon din a ako naniniwala sa kasabihang ito, dahil mas adik pa magisip ang lalake at di sigurado sa sarili. Pero madalas padin na parang panahon sa Pilipinas ang isip ng girls.:)
Comments